🦋 شكرا للى فاهمينا صح ,اللى قادرين يستوعبونا كلنا على بعضنا باكدج واحدة ، للى بنشوف فى عيونهم قد ايه احنا حلوين وقد ايه احنا متشافين صح اوى 🧡 شكرا للى بيعرفوا يطبطبوا على روحنا بمناسبة ومن غير ، بيقدرونا وشايفينا بقلوبهم وروحهم ، اللى مهما كنا بعاد مابيزعلوش ولو مااتكلمناش مايستغربوش لأنهم حاسينا من جوا اوى فاهمين طبايعنا🧡 شكرا للى مابكوش عيونا ولاوجعوا قلبنا وكان مرورهم خفيف لطيف عمره ماضرنا ولاكان اثره سلبى علينا ، شكرا للى فرحوا معانا وقت الفرح وكانوا سند وقت الحزن وكانوا الدعم وقت التشويش وكانوا الناصحين وقت اللغبطة 🧡 شكرا للى مااستنزفوناش وبنستعيد بيهم قوتنا ،شكرا للى ماوجعوناش بكلمة ولابسوء ظن ولابفهم غلط ، شكرا للى لما بيحسوا انهم ضايقونا بيخافوا علينا مش بيجوا علينا ويضايقوا اكتر ، 🧡 شكرا للى فى حياتنا وبينا وبينهم براح للى فاهمينا لما بنمشى وننسحب وبيسبونا على راحتنا مابيطوقوناش ولابيحاصرونا ولابيخلونا نلوم نفسنا علشان حاجة عملناها ولامستنين مننا تبرير لأى شىء بيحبونا كدة وبيحترمونا كدة وفاهمينا كدة 🧡 شكرا من القلب للفئة النادرة دى اللى مش سهل نلاقيها لأن المعظم مش اصلى ولما بيتهيألك انه كدة يطلع عادى 🧡شكرا من القلب وربنا يقرب منا ومنكم" الصافية قلوبهم" ويبعد عنا وعنكم" القاسية قلوبهم "اللى رغم قسوتهم فضلنا زى مااحنا بنحب مانكرهش نحترم مانسئش نفرح للكل مانحقدش نقف ونسند ومانستناش مقابل 😊 نفضل زى مادينا علمنا واهالينا ربونا " ولاد اصول " .. الحمد لله حتى يبلغ الحمد منتهاه 🙏
وشكرا من القلب للى حبونا بصدق انتوا هاتفضلوا جوا القلب 🧡
بقلمى || #نسمة_سراج
١٧ اكتوبر ٢٠٢٠
تعليقات
إرسال تعليق